Out vi, i vann pa dann bazar !

Ansanm Laspérans Véli, nou anpar out vi, le bann zinfo ou done anou. Nou fé promès ansèrv out bann "données" ansanm réspé é sirtou san ladilafé. Nou koz kèr klèr ansanm zot.

Poukosa protèz zot bann "données personnelles" ?

Lé normal pou nou protèz zot vi akoz in bonpé nafèr. Daborinn bann "hackers" , épisa akoz nou lé profésionèl dann nout manièr amèn nout bazar.

Kèl kalité zinformasion nou i pran ?

Konm zot la konpri, nou néna in bazar "virtuel", sétadir, nou i vann zafèr dosi intérnèt. Alor kisoi fé somin pou anmèn pou zot, kisoi anvoy par la Pos (Poste), nou la bézoin serès in nom, prénom, ladrès, téléfone...