Conditions générales nout bazar
Laspérans Véli, zot dalon pou lamontraz kréol réyoné. Zot va trouv atèrla tout sak zot doi konèt pou mars ansanm nou.
Promès ansanm konfians
Nou fé promès done azot le méyèr tank nou gingn. Nou lé pa la pou ramas in zarlor, aral ali ziska dann sosiété vant anlèr. Tout sak zot va trouvé isi, kisoi an "téléchargement" ou sansa an "document physique" la énèt dann fon nout koko. Nou la mèt lamour anndan-la é sirtou nou la pran lo tan fé ali. Nou fé azot konfians pou anlériz nout travay é sirtou pou di anou si nou gingn done la min pou ninport kosa. Si zamé néna in zafèr la mavouz azot, anvoy anou in mésaz, na kozé é sirtou na tas manièr trouv in solusion.
I trouv pa partou sa !
Kinport kosa, tousala i sort dann fon nout koko ! Nou la pa volé, nou la pa ashté... Wi nou la pran "l'inspiration" ansanm dé/troi zarboutan la lang, lé normal, mé nou la tas manièr fagot nout prop bértèl.
Si zamé néna in problèm
Anvoy anou in mésaz desu le numéro ou sansa in mèl (dann kontak). Anndan lo mésaz ou i mèt :
- Out nom
- out prénom
- in numéro téléfone (si ou vé nou rapèl aou)
- le produit ou la komandé (téléchargement ou produit physique)
- le problèm
Na tas manièr réponn azot le plu vitman posib. Sofkoman, akoz nou i travay su koté, nout délai répons lé rant 24h é 1 semèn.
Nout mazinasion : kréol konm fanal pou domin
Laspérans Véli lé in site 100 % kréol, la énèt dann le mayaz lamour pou la lang épisa la kiltir kréol.
Nou aspèr zot va pran le tan aprésié nout travay, èk bon kèr, san malparlaz. Mars ansanm nou sé soizi in mazinasion kréol pou in lamontraz kréol, kréol pou kréol ! Mèrsi bonpé pou zot lamour é sirtou pou zot "compréhension".